चहाची विविध रूप- मराठी कविता - चहा मराठी कविता - Marathi Kavita on Tea

चहाची विविध रूप

चहाच आणि माझं नातं अगदी जवळच

जिवाभावाच्या मैत्रिणीचं

लहानपणापासुन दुधापेक्षा

आवडीचा म्हणजे चहा

कधी कधी कॉफीही घेतली जायची

पण मी मात्र चहाच्याच तंद्रीत असायची

पावसाळ्यतला आल्याचा चहा

हिवाळातल्या गवती चहा

उन्हाळ्यातला सवयीचा भाग झालेला चहा

आजारपणातला घेतलेला

काढा वजा चहा

हरिमंदिरातला अमृततुल्य चहा

कुणाकडचा पाहुणचाराचा चहा मी

कधी नको असताना मिळालेला चहा

कधी खुप गरज असताना न मिळालेला चहा

काकाश्रींच्या आठवणीत वर्षभरासाठी सोडलेला चहा

अशी चहाची अनेक विविध रूप

मनाच्या एका कप्यात साचलेली

अनामिक हुरहूर निर्माण करणारी

आज शब्दबद्ध झाली

कुणी त्याला विष म्हणो

कुणी इंग्रजांनी आणलेलं पेय म्हणो

पण चहाशी असणार

आपलं नातं कुणी नाकारू शकणार नाही

जिभेवर रेंगाळणाऱ्या चहाच्या

चवीशी इतर कुठल्याही पेयाशी तुलना होणार नाही

-सौ .रुपाली राहुल जाधव